• Në 21 shkurt, 3 javë më parë, Italia kishte në total vetëm 16 raste me koronavirus,aq sa ka pak a shumë Shqipëria sot. Papërgjegjshmëria bëri që Italia të ketë afro 15 mijë të prekur, 1000 të vdekur e 2000 të tjerë në gjendje kritike dhe të shpërndajë virusin në gjithë Europën. Urojmë që të gjithë të bëhemi aq të përgjegjshëm sa mos të bëhemi pas 3 javësh, ajo që është Italia sot.

Nadal i kënaqur me formën e tij

cent

Banned
Për shumë vetë ajo shkëputje e gjatë prej shtatë muajsh e Rafael Nadal, nga fushat e lojës ishte ndoshta vërtet shumë, megjithatë pas suksesit të fundit në Meksikë duket se zgjedhja e bërë nga 26-vjecari nga Mallorca së bashku me stafin e tij është pikërisht zgjedhja e duhur. Tenisti spanjoll pas triumfit 6-2,6-0 në finalen e Acapulco-s, ndaj bashkëkombasit të tij David Ferrer tashmë numëron dy turne të fituar në tre javët e fundit. Fillimi nuk ishte ndër më të mirët, teksa Rafa u mund në finale nga argjentinasi Horacio Zeballos, në Kili, në Vina del Mar, sidoqoftë fitoret e njëpasnjëshme në Sao Paolo dhe Acapulco tregojnë më së miri se numri 5 I botës bëhet gati për të dominuar sërish në fushat me dhe.



Rafael Nadal – Kam kaluar vërtet një periudhë të vështirë, sidomos gjatë muajve kur nuk mund të prekja dot raketë me dorë, por tani ndihem shumë mirë. Dua të falenderoj familjen time, si dhe të gjithë ata që më kanë ndihmuar gjatë fazës së riaftësimit, pasi këto kanë qenë kohë shumë të vështira për mua.

Pasi dominoi në Meksikë, në vetëm 65’ shokun e tij David Ferrer, duke koleksionuar titullin e 52 në karrierë dhe të 38 në fushat me dhe Rafael Nadal zhvilloi një ndeshje ekzibicioni në Neë York, në Madison Square Garden, ndaj argjentinasit Juan Martin Del Potro. Ishte një takim mjaft I bukur, që në fund I kënaqi të gjithë, përfshirë edhe vetë tenistin spanjoll, I cili pavarësisht se u mund 7-6, 6-4 u shfaq shumë I kënaqur jo vetëm për lojën por edhe gjendjen e tij fizike.

Rafael Nadal – Jam shumë I lumtur. Kalova një moment tepër të vështirë kur vendosa të mos luaj në US Open, por tashmë duket se gjithcka shkon mirë për mua, e nuk kam më kurrfarë problemi me gjurin.

Interesant është fakti se për sfidën me Del Potro-n Nadal ftoi vetë Tito Vilanova-n në tribunë dhe trajneri I Barcelona-s I cili aktualisht po kurohet në qytetin e New York-ut e ndoqi këtë ndeshje së bashku me gjithë stafin e Rafa-s. Pavarësisht spekulimeve për një tërheqje të mundshme në Indian Wells, fituesi I 11 titujve Grand Slam në karrierë në fund të këtij takimi konfirmoi se do të marrë pjesë në turneun kalifornian, që përbën gjithashtu edhe turneun e parë Masters për vitin 2013.
/panorama-sport
 
Top